كل شي أقواه لاجت للصحيح

إلا شي واحد. ولا ألقى له ثمن

(دمعة أمي) من خفاها ما تسيح

غيرها ماهمني في هالزمن

هي كمال الزين والوجه المليح

ولا تقارن في غلا منهو ومن

المديح يطيح لا حان المديح

اعتلت عرش العوالي والطمن

جنة الله عند ماطاها تضيح

كرَّم الله قدرها خيره ضمن

ودي اقبِْل قدمها ثم أطيح

فدوةً عمري لها لو ينومن

فضلها ما وافاه شعري لو أبيح

دون فضل ودون رد ودون منْ

جعلني أكسب رضاها وأستريح

منيتي بالعمر لا قالوا تمنْ

وكل شي أقواه لاجت للصحيح

إلا دمعاً غالياً ماله ثمن

(دمعة أمي) من خفاها ما تسيح

غيرها!!. ماهمني في هالزمن

- الشاعر/ نايل حياة الشراري