تدري وش اكثر شي يقتل حنيني
لاشفت حجم اللي خسرته عشانك
ولا شفت زلاتك تبدد سنيني
وأنا على حطة يدك في مكانك
لك عايشة والجرح بك محتويني
وبك ميّته والموت ماعز شانك
قتلت فيني الحب وتقول ويني
ويني أنا!! إلا انت وينه زمانك
والله لو حكم الهوى في يديني
ماتنسف أحلامي في ثورة جنانك
ولا تعبث بعمري وتروي أنيني
بجروحك اللي ماارتوت من رهانك
راهنت بي يالله كم بقت فيني !!
وكم لي وأنا اطرد وهم اسمه أمانك
ابكيت فيني الحب وابكيت عيني
وابكيت فيني الشوق ما اكبر حنانك
غمرتني به لين فرحي نسيني
ونسيت معه اقول يسلم بنانك
لانك مضيعني ومشقي سنيني
ولاني خسرت الكون كله عشانك
- الشاعرة/ سراب العمر
