الموضوعات الأكثر
من حس في نقص نفسه عاتب أحبابه
ويعاتب الناس والنقصان في ذاته
ولو الخطا واضحٍ ماحسّب حسابه
ما يشوف كبر الخطا من كبر شرهاته
واللي تميدح بروحه لاتعزوا به
لوقال أنا الزير لا تغرك شجاعاته
أترك شجاع العوافي لا تهقوابه
لياصار ما صار يزبن عند عماته
نزه جنابك عنه وابعد عن أترابه
ياعل خيره يلادي عنك سياته
ترا حلاة الفتى ما يشمت أصحابه
ويبعد عن اللي يضره في شكلاته
واللي حكى بك ترا لابد يحكابه
لكنّ تبعد عنه من قبل عرفاته
وشرهات رجلٍ تجيك بغصب وطلابه
شرهة بلا عقل ماحاجه لكسباته
واللي بغيبات ربعه يفتل أشنابه
لو قال أنا أغليك لا تفرح بجياته
والرجل بالعقل يقدر يملك أعصابه
ويشوف درب السنع من قبل غدياته
حيث الرجل عند وقت الضيق يلجابه
ويفرح لياجيت ويسرك بقومته
- جزا صالح الحربي