جرّب الغضبات يا جاهل زعلنا

تحسب ان الحلم ضعفٍ يالحبنّى

ما استعبت الدرس من سابق زمنا

كم تحملنا من الغاشم تجنّى

ثم ردينا عليه الصاع طنّا

لين جا يرغى عقب ما هو يغنى

ويوم صاح الجار قمنا واستجبنا

والسعودي بالمواقف ما يمنّى

السعودي لا تنادو قال حنّا

من طعن أرض الوطن رمحه طعنّى

جاك رد الفعل يا مهدّد وطنّا

خذ جواب الحرب دامك تمتحنّى

احتزم سلمان بالحزم وحزمنا

وهدّت صقور تسابق يذبحنى

يوم سلمان العَرَب نَهّض وثبنا

وكل قرمٍ قال انا كلّى ومنّى

يا رفيع الراس يا صفوة عربنا

ضربتك وحده وتفصل ما تثنّى

يوم ناديت العرب كلٍ سمعنا

العرب تحتاج مثلك بالتمنّى

العرب تبى تسير الدرب معنا

سر.. تراك بكلّ عين وكل ظنّى

- الأمير/ خالد الفيصل