الموقف الغصاب والحاسم يبي حسم وعزم

ما للمغازي غير أهلها يالإمام ابن الامام

اضرب بسيف الحق يا سلمان واجزمها جزم

سيفٍ يقص الراس من لمتان ويدق العظام

الجار لا منه زهم جاره غدا الموقف لزم

لا شبت الفتنة بداره وانعدم فيها النظام

أقدم بجيش ٍيخزم العدوان بالقوه خزم

لا صار ما فادت مع الغازي مراسيل السلام

ما للمعادي عندنا إلا مثل عاصفة الحزم

أما يدل الدرب وألا راح ما فيها كلام

فالجو طيارٍ على اللي ضربها يرزم رزم

متوكلٍ باللي حمى البيتين خلاق الأنام

وفالقاع دبابة وجندٍ لا ورد ما ينهزم

أما يردّ القوم والا فالشهادة له وسام

يديرها محمد وريث المجد بإدراك وحزم

اللي خذا من راس سلمان الشجاعة والمقام

- جمل بن محمد بن شري