عسكرت في الجو بارقة الغمام

وان هتف سلمان راعدها هتف

سابقات الريح في جنح الظلام

بأمر رب البيت ما تخطي الهدف

صقرنا في الجو ما يقنص حمام

يقصف الأعمار لامنّه قصف

وجيشنا في الأرض يزحف للأمام

يرعب العدوان لامنّه زحف

والحرس والأمن ما فيهم كلام

في مواعيد البطولة والشرف

تضرب الدنيا لعاهلنا سلام

وقّف اللي عند حدّه ما وقف

يا وطنّا كلنا دونك حسام

ما على الأرواح من دونك أسف

في عيون اللِّي عيونه ما تنام

وفي ضمير اللي على المصحف حلف

- الشاعر/ فهد بن عبدالله المبدل