الموضوعات الأكثر
قل لابو سلمان يالحر القطامي
سلم راسك مع ايدينٍ مهدّنك
جابك القرناس من عال المقامي
تسلم ايدين الزعيم اللي جننك
ياولد سلمان عنوان الاسامي
قايدٍ مقدام منصورٍ محنك
شعبك السامي مثل ما شفت سامي
فوق ظن الخاينين وعند ظنك
الوطن ما فيه للحوثي مقامي
بس لوّح للجموع وياصلنك
جاحد المعروف سبّاب الكرامي
ارتفع يبي الزعامة يوم بنّك
وجهك اسود يالنذل نسل الحرامي
طامعٍ بالدار يالنسر التهامي
خاب ظنك يوم شهب اللون جنك
يالنذل لوتتقي جتك السهامي
جتك في جحرك سهوم طيّرنك
يامحمد يالهمام بن الهمامي
مثل جدك قودها والفن فنك
الشباب وشيبهم قايد ورامي
والعذارى في المواقف يزهمك
ما علينا من مروجة الكلامي
الفعول تصحي العقل المتنك
- عبدالله بن محمد السياري