الموضوعات الأكثر
استعدي يا هجوسي ترى الموقف خطير
وكل واحد قام يفخر بحبره واقلمه
والله إني لا اتقدم ولو سني صغير
يوم كلٍ سل سيفه وجوّد محزمه
المواقف تبرز الشاعر الجزل الكبير
وتترك اللي ما يهمك وجوده واعدمه
والوطن لامن دعانا نجير المستجير
ونردع الخصم المعادي وناطا في فمه
ما نفكر بعدها وش يصير أو ما يصير
دام سلمان القيادي يرفرف بعلمه
يوم شاف الوضع يحتاج تحديد المصير
قال يا محمد خذ أمري وعني عممه
أنت قايد للوزارة ولا غيرك وزير
استعن بالله وحطم صنمهم واهدمه
قال تبشر طال عمرك ومطلوبك يسير
أنت صدر لي قرارك وأنا اللي بحسمه
- محمد السفياني