الموضوعات الأكثر
حب الوطن بالروح والقلب يحواه
سود الليالي تحفظه ماتزيله
يعيش حاكمنا عسى الرب يحماه
مليكنا اللي كلنا ننتمي له
سلمان بالأرواح والدم نفداه
راع الصفات النادرة والنبيلة
رجل الشهامة والمواقيف تنخاه
انشهد أنه يرتكي للثقيله
ومحمد ابنه بالمواجيب رباه
حر معرب من حرار أصيله
واللي نوا بالشر لايتعب خطاه
دون الوطن حدب السيوف الصقيله
والحوثي الخاين من الأرض نمحاه
الخاين اللي عايشن بالرذيلة
حنا هل العوجا ولابه مراواه
وعدونا يبشر بذل وفشيله
حنا جنود الدار والدار نهواه
هذا الوطن ما فيه دار مثيله
نارد على حوض المنايا ونحماه
نحما وطنا كل يومن وليله
- صقر زبن المرشدي