ياسيدي قايد الامة حكيم القرار

يادرع شبه الجزيرة بالنهار الخطير

ياخادم الدين ياقايدحماة الديار

ياسيفنا اللي على العدوان حده شطير

يالعاهل العادل اللي تكتسي بالوقار

يالحازم العازم اللي بالهدى تستنير

اي والله انا معك يابو فهد بالمسار

آمر وحنا على امرك ياملكنا نسير

بارقابنا البيعة اللي ماعليها غبار

كبيرنا لاتوفى اوصى عليها الصغير

مع عاصفة حزمنا باموالناو العمار

نمشي وناطى الخطر بالرجل كنه حرير

حنا سيوف اللقا لاشب للحرب نار

نقدم لياطقوا العدوان للحرب زير

ماللامور الكبار الا الرجال الكبار

الله يمدك بنصره يالزعيم الكبير

هدفك نصرة لدين الله وحق الجوار

وقطع يدين الغزاة ونصرة المستجير

وقرارك تعيش الامه منه حال انتصار

جزرت مدالخميني قدم لايستدير

من المحيط لخليج المجد يرفع شعار

اصبح لمن ينتمي لامة محمد نصير

يابو فهد قايد الامه حكيم القرار

مادمت في خير حنا ياملكنا بخير

- علي زيد البدراني