ألآ يابحر ياسعد من هو على شاطيك
على شان من هاضت هجوسي على شانه
على شان خلي يوم رجله تمشت فيك
تدوس الثرى وتلاعب الريح طربانه
تقول أعطني جوك وانا يابحر بعطيك
هجوس يدونها زمانك بديوانه
هجوس الحبيب اللي مزاجه تعلق فيك
لقى جوك الرايق وصرت أروع أوطانه
وأنا أقول ياخلي هذا هاجسي ينبيك
عن اللي يدك الصدر ويفج بيبانه
يدكه ألم حبك ويشفق على طاريك
ويدفع مهر حبك ولو زادت أثمانه
ألا ياهوى بالي الايأبعد مغليك
ألا يابعد من هزت القلب وأركانه
ترفق على من هو تبهذل وهو يرجيك
تبهذل وهو يطرد سرابك بقيعانه
أبي واقعك قدمي وأبي كل مايعنيك
وأبا أعوم في يمك وأصافحك يا آلدانة
هذا قول من ترجم معاناته وشاريك
وعن اللي يدور بخاطره عبر لسانه
- حمدي بن حمود العتيبي