لاعاد تتركني..؟ وانا ميته فيك
لادق رقمي.. رد لو كنت مشغول
انت تعرفني بانفعلاتي.. اغليك
واللي حصل بالامس ماهو بمعقول
شلون ترفض اتصالي.. وانا ابيك..؟
ماتدري ان لي قلب يحاتي على طول
حبيبتك.. لاغبت تبكي وتبكيك
في قلبها روعه وفي عقلها ذهول
من كثر ماقالوا حبيبك.. بيخليك
اتخيلك.. مابين واقع.. ومأمول
صحيح للفرقا.. دروبك.. توديك
لاني بمسؤوله.. ولانته بمسؤول
غيبتك تربكني.. وطبعي احاتيك
والشوق له سيفٍ على القلب مسلول
وان حانت الفرقا.. وغابت مواريك
احساسي بحبك بيبقى على طول
لاني عشقت وعشق قلبي مواليك
وانا معه مابين . قاتل ومقتول
وطبع البدو بالحب طبع المماليك
يدور حول ..ولا يتغير به الحول
- ألمانيه