الموضوعات الأكثر
على لندن مشينا ثم عدنا باحسن الأخبار
رجعنا حاملين الكأس وهذي عادة الشجعان
وخذنا السوبر المطلوب حققناه بالاصرار
أقول الموج الأزرق عادته ما يترك الكيسان
زعيم المجد ذا طبعه ليا عزم فلا يحتار
يجيب الكأس تلو الكأس بطل في داخل الميدان
الا ياهلالنا ياعزنا دايم يا غلى شعار
كسبت الكأس يالغالي وهذي عادتك فنان
رفعتوا روسنا يابطالنا ثم عادت الأنوار
أقول أنت الزعيم الفن ونلت الكأس بالاتقان
قطعت أميال تلو أميال وحب الكأس لك عنوان
بناك رجال تلو رجال ودايم للفخر حضار
بناك الشهم أبو سعد بفكره بأحسن البنيان
بنى الأمجاد في لندن وصارت للوطن تذكار
ثم قبله أبو فيصل أقول الشهم والمغوار
سعى للموج ما قصر ودايم للبطل عوان
وادارات سعت لهلالنا والطيب بالأخيار
وعدتوا من بلاد الغرب رفعتوا سمعة الأوطان
اخذت الكأس من جارك بفنك والنعم بالجار
ترى هذي هي الكورة بها فايز بها خسران
اقول الله يديم افراحنا مع طولة الأعمار
عسى ربي يديم الفوز ونسعد بالفرح ياخوان
ويجعل دارنا في خير ويحفظها من الاشرار
اقول الف التهاني يا بطلنا الموج يالفنان
غمرت الكل بالأفراح ما بين صغار وبين كبار
ونبي نبدا مهمة قادمة وآسيا على البيبان
تراها مطلب الجمهور ولا هو يقبل الاعذار
ترى الستين حولك ثم جمهورك لها ولهان
ثلاث ثم تكملها نبيها بالفخر ياحرار
إلى جينا الملاعب بالنشامى دايمن مليان
نبي نفرح مع الأبطال ونزرع دربهم ازهار
نبي وقفه مع الجمهور قوموا حيوا الفرسان
- الشاعر/ محمد بن عبد العزيز الخنيفر