فتحت الصدر يافتنه وفرجتك على قلبي
حللتي وادي فوادي نزلتي به وخيمتي
وشفتي ماخفى مني وهمي منك يلعب بي
ولايدري عن احوالي سوى ربي وانا وانتي
زرعت بروضة الياليت غرامي بك وحسر بي
تمنيتك ترجيتك وصادقتي ردى بختي
يمشيني رجا وصلك اجي وآقف على الدربي
وطرفي شاخصٍ ياهيه لكن ماتلاينتي
هقينا ماهقينا بك وشكوانا على ربي
يضيع العمر للعاشق ولامن حاكم يفتي
بشوق وخوف من شانك وانا المطعون في جنبي
هي البلوى رمت حظي عليك وماتورعتي
اصيح بصوتي الخافي الى نسنس هوى الغربي
يجاوبني صدى صوتي وانا اللي لازمٍ صمتي
هوى واشواق تطلع بي سماها ثم تنزل بي
ولاشالت ذلول الله مثل ماشلت من وقتي
الى جا الصبح اسجّم وانطوي مع همي وتبي
سواد الليل يداويني دوا العشاق الى نمتي
احبك واشتكي حبك ولاقلتي سبب حبي
تجاهلتي وجود اللي يعاف الناس الى غبتي
- حمد العلي الهقاص