الشكر لله ثم وافين الأشبار

الحي واللي ميتٍ في لحوده

آل السعود محطمة كل جبار

يقودهم سلمان ويّاجنوده

وابنا الخليج اللي لنا درع وشعار

على العدا نارٍ تلظى وقوده

هم عوننا في السلم والحرب لا صار

حيث الوطن واحد وهم من عضوده

خليجنا واحد حكومات وأقطار

ويديننا وحده للطمة حسوده

نحمي حمى الأوطان من كل غدار

ما همنا في الكون نقصه وزوده

ولا همنا بايق وخاين ومكار

واللي معه ومجمعه من وفوده

شعب وحماة الدين والعرض والجار

حنا رجال الحرب حنا أسوده

تباشري بالعز يا دار الأحرار

دام العرب سلمان ركز عموده

على الكتاب وسنة خيار الاخيار

يمشي ولا شيٍ مع الله يكوده

سلمان يسلم من سلايل هل الكار

العزم عزمه والفعيال رعوده

حاكم حكيم ما يمشي بالاشوار

فكره على طيب المواقف يقوده

في البحر بحارٍ وفي الجو طيار

وفي البر ربعٍ حافظينٍ عهوده

كل العرب تفخر ويفخر به الجار

غير المواطن يفتخر في وجوده

يمشي على سنة رسوله والأذكار

وعلى الكتاب وماومره معبوده

متوكلٍ بالله علام الأسرار

وربعه جميعٍ باركوا في جهوده

على العدا له قومة تبهر أبهار

من شاف فعله مالك الله يعوده

- مبروك النامي