قبل دخول العشر بحدود يومين

ياكاتب التاريخ وقت الكتابة

في شهر تسعة عام سبع وثلاثين

خبر وفاة اللي عزيزٍ جنابه

ابن زويبن صاحبٍ لي على الدين

قفّت عن الدنيا واهلها ركابه

الصدمة اللي سبّبت دمعة العين

أعنف خبر والقلب ينزف صوابه

نعزّي انفسنا والاقصى والادنين

ونعزي عياله وكل القرابة

وعزّيت ربعه واصدقاه الوفيين

وعبدالله بن عون قصر المهابة

واعزّي الشعر وهله بالميادين

وجمهوره وجملة قبايل شبابة

لو مات ذكره حي وسط الدواوين

بين النشاما عطّر الله ترابه

الله يبيحه .. كلكم قولوا آمين

ولعل ماصابه يخفف حسابه

يوم التغابن يوم نصب الموازين

عساه ياخذ في يمينه كتابه

صالح الناصر - الزلفي