أنصحك ياللي فهيم وطيبٍ سأسك

أخذ النصيحة من أصحابٍ تود ابها

الياجفتك الديار وضاق مجلاسك

ولصحاب قامت تقلل قدر صاحبها

قرّب ركابك (وشطّر للهوا رأسك)

وارحل وخل الديار لمن يعيش ابها

البعد عن دار قومٍ تجرح احساسك

اخير من كثر ترديدك معا تبها

مادام فالعالية حطيت نبراسك

الواطية خلها للي يدوج ابها

واجعل من الكيف في نجرك ومحماسك

دن النجر للنشاما لين تجذبها

فنجال بن لذيذٍ يطرد اعماسك

ولا عطايا وراها من يمِن ابها

والملبس اللي قياسه دون مقياسك

أرمه ورجلك عن المنقوص جنبها

- عبدالهادي المسعودي