يا وطن كلك حزن وأنفوس خلق الله حزينة

والهموم استوطنت في موطن ما هو وطنها

كيف تحزن وانت وطنك مكه والمدينة

اثر حالك مثل حالي فجعتي مفجوع منها

خاسر لك كنز كل اهل الجزيرة خاسرينه

والعرب تبكيه من +شام الديار اليا يمنها

فاقد مساعد وحنا يا وطنا فاقدينه

وانفجعنا بعد مالفوا على الجثه كفنها

ولا لنا غير الصبر والموت دربً سالكينه

والمنايا والقدر مال البشر مجناب عنها

شفت ثامر جالسً حول النعش يفرك يدينه

فاقدٍ غالي وعينه صافي الدمع بجفنها

هزنا فقد الزعيم اللي خذاها في يمينه

اشهد انه راعي الوقفات من ماضي زمنها

والشعر يبكي على مساعد عسى ربي يعينه

والقوافي بعد موته ما تبي منشد لحنها

لو رحل ذكراه تبقى في قلوب متابعينه

شامخٍ ذكره يلين النار تخرج من عدنها

واعذروني يامحبين الشعر يا كاتبينه

كل سلعة في مزايد سوقها تاخذ ثمنها

ويالله انك ترحم مساعد وترحم والدينه

وتسكنه في جنة الفردوس مع من هو سكنها

- حميد الهواوي