انا البارحة عديت في عالي المرقاب

جفيت المنام اللي عذولي تهنى به

اساهر نجوم الليل لين انتهت بغياب

دموعي على خدي من العين سكابة

انا في سهر عيني وفي دمعي السكاب

دلايل عنا قلبٍ فقد غالي احبابه

علي جار وقتي واختفا الما مع المشراب

الا واعنا من غاب شربه ومشرابه

عليك الله اكبر ياغلى الصاحب الكذاب

انا ماحسب إن فاهل الهوى ناس كذابة

جفاني هوى بالي بعد شاف راسي شاب

غرير المودة ضيع الود بحسابه

لك الله ياقلب شكى حسبة الحساب

طعنه الغلا في غفلة منه بحرابه

عهود الغلا والود لو دونت بكتاب

إلى شانت العشرة غدى الود وكتابه

دخيلك دخيلك رد ياسيد الاحباب

وعالج صواب القلب يوم إنك اسبابه

تراك ان سقيت القلب ترياق ودك طاب

كسبت الثواب من الذي ما انقفل بابه

تذكر زمان الود يالود والاعجاب

زمان الغلا والود لياك تصخى به

- إبراهيم بن راشد بن كويبين