ابشّرك فكتني من التيه فزّة راي

الا حيّها من فزةٍ وقّضت روحي

غسلت الزعل بعناقها واعتنقت رضاي

انا كيف ما دورتها ساعة نزوحي

حلالاة لو هي بكّرت وانكرت شكواي

وهي ترمق ابكر جدّها يبضع مزوحي

من اول وحبك غمّةٍ في سما دنياي

قطع ليل ضمّت بالتباشير ما توحي

احس بخجل عيني واحس بندم يمناي

دوافع مغرّة عاقد الحبل في صوحي

خفوقٍ جذب لك جمّ ودّه ولي بلواي

تسرّع رديّ الحظ واسمع قبل يوحي

فتح باب هدفه والتفت يم باب اقصاي

نساني وانا راعيه وجروحه جروحي

نسى كل شي الا انت واسرف يبذّ خطاي

ادور ذهايب راحتك واذهب سروحي

عن الزود خذها رميةٍ دسّمت رمّاي

الين اللحد صدّي عهد يلزم شبوحي

من امرين (بعد وعزّ) والا (وصل واغضاي)

طلبت العقل يختار واختار مصلوحي

غلاك انتهى مبدا وانا تحت امر مبداي

يد القلب كفّت مستحيل.. اقبل طيوحي

صباح الندى للروح من ضحكة محياي

صباح الفدى للراي منها ومن روحي

- إبراهيم العبداللطيف