هرج القفا في القفا ماهو بعاداتي

أقدِّم النصح والنيّه الاهية

يامقبلات الليالي للوفا هاتي

مابه خيارات والاقدار حتميّة

تكبر علي قد كبر العزم شرهاتي

ما أعرف أجامل وأعيش أحلام ورديّة

ماقلت يا سيّدي يا سيد ساداتي

للي تهندم ولبس شماغ مكويّة

لي بصمةٍ واضحة باسمي وباثباتي

معجب بشكله وشك إن الملا زيّه

ولانيب للغرم عنده ذابحٍ شاتي

ولا ابني البيت بحصيّة علي حصيّة

أبني بجلمود صخرٍ في الهوا العاتي

ثابت وله ظل ويذرّي وله فيّة

يا ماخذ العلم ما تدري بغاياتي

والرجل من دون غايه لعنبو حيّه

إن ما عطيت الوفا من جزل مداتي

طبع المواجيب حيّ وشمسها حيّة

ياما وياما نطرت المقبل الآتي

وأقبل وجاني وحيّ العام يا حيّه

من له بوجّه مشاريهي ومشكاتي

وش عاد بقول دام المشكلة هيّة

مانيب أحب أتكلم بس عن ذاتي

أعرف وأقدّر وأجازي وأنجح الكيّة

لاجل الوفا عارضٍ مالي وخبراتي

وتجنيب الأصحاب لي ما غيّر النيّة

- حمد بن فطيس