فات نصف الليل يا عذب الوصوف

انشد نجوم السما مالي مجيب

العذر يا صاحبي ما كنت أشوف

إن لي غيرك على الدنيا حبيب

الشفق غايب وأنا قلبي لهوف

وانت فوق الكون شمسك ماتغيب

كم نقلت الحمل من فوق الكتوف

أرتجي جرحي من أسبابه يطيب

وكم نثر حبك من أشواقي حروف

والمنام لجفني السامر حريب

المفارق والمصافح بالكفوف

والسهر ما هو على العاشق غريب

لا تضايق لو تفرقنا الظروف

انتظر في يووم يجمعنا النصيب

- محمد الفالح