يا سعد شحّت بك الأيام عنا

يا ملاك الأنس في تايه زمنّا

يا حكيم الراَي إذا جيت أستشيره

زادني بالرأي فوق اللي تمنّى

يا عنيدٍ ماظلم مخلوق غيره

كم على كريم شيماته تجنّى

وكم نقلت حمول غيرك وأنت أحوج

وكم مسحت دموع محزونٍ تعنّى

من زَهَدْ بالمنصب وبالمال قبلك

بعتها وأقفيت بالعزّه تغنّى

مااشتكيت ولا ادّعيت ولو بكلمه

وان حكيت بكلّ منطوقٍ تأنّى

تبتسم وعروق قلبك ما تحمّل

سدّها كفٍ من همومك تحنّا

يارفيق العمر ياخوي وعضيدي

ألتِفَت أدوّرك منّا ومنّا

ومالقيت إلا الثّنا في من تأنّف

في حياته وارتفع بالموت عنّا

ذا مكان اللي يشوم بعز نفسه

منزله على الكواكب ماتدنّا

- خالد الفيصل