تقول فتّش في حروف أوراقك

فيه اسم فيها.. كنه اسمي كنّه

يا غيم ما خايلت في براقك

حتى ولو كبدي كوتها الكنّة

انا غرامي ما جذبه اشراقك

لو هو جرح ما احدٍ خذاني منّه

هذي الحقيقة وأعتذر لاعماقك

ما يستثير فنوني ألا ...فنّه

قالت ولو.. لو ما ملكت أشواقك

يكفي لا شفتك.. حنّ قلبي حنّة

تقول: أنا لو ما عرفت اخلاقك

واسترسلت.. ان الغلا انه وإنّه

وأنا تعبت ولا وصلت آفاقك

جيتك وقلبي لا تخيّب ظنّه

أتخيّلك.. وأجي عشان إعناقك

تكفى ما دام الوصل ما به منّة

قلّي (أحبك).. قبل يوم فراقك

قلْها ولو تكذب وأنا ممتنّة

تقول: جعلي أدخل بخفّاقك

وأقول: «جعلك تدخلين الجنّة»

- بدر غازي