خوّة

من لا يبادلك نفس الطيب والخوّة

اللي كثر ماتجي وافي يجي جاحد

قلّ له عسى ما انت بالخوة على القوّة

الله ولا الخوّة اللي من طرف واحد

* *

نص عين

متواضعين ألاّ مع المتكبّرين

اللي هدر واللي على البيدا هبد

ماهو نشوف بنص عين أو ربع عين

من شافنا في عين ماشفناه أبد

* *

عذر وخطا

أحد يدور لك خطا وأنت ماخطيت

وأحد يدور لك عذر وأنت مخطي

يالله عسى الثاني مثل ما تمنيت

تضحك سنينه عكس الأول وتبطي

* *

مصالح

الله ولا اللي خوّته ماهي كفو

يدوّر اللي ينفعَه ما ينفعَك

كنّه يقول أنا معك بس.. العفو

إن مالت الدنيا عليك.. الله معك

- سلطان الشتسلي