(قصيّر) هو شهر شعبان والشاعر والإعلامي المتميز مرزوق الروقي له حضوره المميز في كل فصول السنة على مدار العام:

هبّت وشبّت جمرة أشجاني وثرت

سرّتني الأنسام توالي قصيّر

حنّيت واشتقت وبكيت وتكدّرت

وأصبحت من عقب السكون أتطيّر

وش كنت وقتٍ فات واليوم وش صرت

الله ليتي في حياتي مخيّر

ما كنت فيني يا منى خاطري برت

وخليتني بيدين همّي مسيّر

يوم أنت غرتك السنين وتغيّرت

وأنا أحسبك طول الزمن ما تغيّر

ليتك قبل لا تنوي البعد فكّرت

في حال خلّك يالجفول المذيّر

وأنا أدري إنك من بعد فقدي احترت

زلّت قدمك وصار وضعك محيّر

حتى العذر يا فاتني ما تعذّرت

لكن أعذرك لأن توّك صغيّر

اليوم ذكرك هب في قلبي وثرت

ذكرت وصلك في توالي قصيّر

- مرزوق الروقي