الموضوعات الأكثر
قالوا: تسج وقلت سجة وتوقة
والله عليمٍ بالدوافع والاسباب
الروح في حكمت عظيم مخلوقة
والعبد يرضى بالمقاديرويثاب
فضلٍ من الخلاق تحفظ حقوقه
من طقة الشوكة لقطاع الاصلاب
اللوح قدمه والمراحل تسوقه
يبدى شباب وكان طال المدى شاب
في معتلج همه وحزنه وشوقه
يطلب وله في غالي العمر طلاب
دنيا الفنا كل احتمالٍ تفوقه
فطرت على بوق الاخلا والاصحاب
كم خيرٍ عن مابقلبه تعوقه
دنياه ماطابت معه يوم لو طاب
طرقي يصارع ميل وقته وضوقه
عاش النقايض من كدر بال واعجاب
يومٍ تقل من صافي الغند ذوقه
وايام علقم والهبايب نسم داب
كد داج غربيّ البلاد وشروقه
وكدعضته بقعاب الاضراس والناب
يومٍ كما حرٍ طليقه سبوقه
ويومٍ تقول مكبلٍ جوف سرداب
تاج الشرف مع عزة النفس طوقه
متقيدٍ بسلوم زاكين الانساب
يدرك مضامين الشعورالصدوقة
وان خاب ظنه بالمخاليق ماخاب
بالواحد اللي يملك الامرفوقه
للشر دفاعٍ وللخير جلاب
محيي هشيمٍ بالياتٍ عروقه
اللي نصرحزبه على جند الاحزاب
- حماد مريزيق البشري