يا الله لك الحمد لا تهنا ولا ضعنا

نمشي على الدرب والايام رحالة

ترفق بنا حين واحياناً تلوعنا

واحيان مابين ذيك وهذي الحالة

بالصبر نبحر تقلبنا مواجعنا

ياموج الاوجاع ذاك الشط ورماله

مهما تثورين وامواجك تقطعنا

مع اشرعتنا وبحرك يظهر اهواله

الساحل هناك لو ريحك ترجعنا

لابد من جهد يرسينا على جاله

يا ديمة الحلم هذي هي مرابعنا

يا مزنةٍ ما وقف بالعمر هماله

ربيعك ازهر وازاهيره تمتعنا

مد النظر تبهج الخفاق باشكاله

مع النسايم طيور الفرح تسمعنا

لحنٍ تزول الهموم بصوت مواله

يا الله لك الشكر دلّينا ولا ضعنا

حنا على الدرب والأيام رحالة

- بدر البدور