اليوم عيد المملكه صار عيدين

اشرق سماها يوم جاها سعدها

جاها ولي العهد طلق الحجاجين

قدّم مهرها واعطته حلو يدها

مبايعينه كلبو الشعب راضين

عسى حياته ما يجيها نكدها

فينا يبو سلمان فلّ الجناحين

وانهض براية ديرتك يا ولدها

نبي معك نطلع سما ياحمر العين

هذي رسالة خادمك واعتمدها

حنا معك نمشي على الزين والشين

على السعه والا على امرّ وادها

فارقابنا بيعه وفي روسنا دين

ماهيب رفده من يبيها رفدها

شيّابنا لمصامخ الروس ضارين

وشبابنا تورد ولاحدٍ وردها

قدام يا سيف الحزم فالميادين

تبي نصبح دار والا نهجدها

في ذمتي شعبك معك مستعدين

اما النصر والا الشهاده وجدها

مختارك العاهل صعوط المجانين

سلمان سلمان البلاد وسندها

هو قايد الامه كعام المعادين

لا ثارت الهيجا بالاجرب بجدها

شرّه على اللي ما يعرف القوانين

من حاربه كم ليلةٍ ما رقدها

يصدم وجه ما هو من يسار ويمين

جبهه يحشّمها وجبهه فصدها

والله يعز ديارنا قولوا امين

ودوّارة الفتنه تموت بمهدها

... ... ...

- عبد العزيز بن سلمان الفراج