الموضوعات الأكثر
ياقافي اسعفني بأجمل معانيك
لأجل اتغنى فيك في كل قاعه
حييت يا ذا العلم والله يحييك
يوم أعلن التلفاز هو والاذاعه
يا سيدي سلمان طابت مباديك
وانته زبون للحزم والشجاعه
يا سيدي سمعٍ وطاعه ولبيك
ولاوامرك نقول سمعٍ وطاعه
يا سيدي والخير ينبع من يديك
وحبك روينا منه وقت الرضاعه
عز الله انه رابحٍ من يخاويك
وإلا العدو فانته بحلقه شعاعه
واللي بسنين طوال يبني معاديك
بعزمك تهدّه سيدي بنصف ساعه
يا سيدي سلمان لو أفتخر فيك
فخري صدر لك سيدي من قناعه
يا سيدي بالروح والدم نفديك
يانورنا اللي في سمانا اشعاعه
وصلت قراراتك ولا فيه تشكيك
ان رايك تحزمه بعزم وبتاعه
رتبت بيت الحكم والله مقديّك
ومنك الأوامر يالمسدّد مطاعه
و يا شبل سلمان الوفا اليوم نعطيك
بيعه ورب الكون مع الجماعه
يا سيدي محمد ترى القلب يغليك
وحبك من الفطره ولا هو صناعه
عز الله أنا نحب شوفك وطاريك
ياللي على الشدات فيك استطاعه
بشجاعتك وبوقفتك من يضاهيك
ياللي على الأزمات عندك مناعه
فيك الوطن شامخ ويتبع هقاويك
يارافعٍ مجد الوطن باطلاعه
وعدوك اللي ما رضى انه يصافيك
حطمت اوكاره وشتى قلاعه
وندعي لك المولى يوفق مساعيك
ونرفع لمولانا أكف الضراعه
و يا اغلى وطن الله لشعبك يخليك
وتبقى على هام الفضا بارتفاعه
ياموطني ننعم بخيرك وصافيك
ومن حولنا الأكوان حرب ومجاعه
نفخر بحبك ياوطنا ونداريك
ولا نرخي الأذان لأهل الاشاعه
واللي يكيدك كل يوم بتكتيك
نكشف الاعيبه وتقطع ذراعه
وتبقى لنا عز بالانفس نراعيك
ويبقى بقلب المعتدي منك راعه
... ... ...
عطاالله بن سليمان العطاالله - الزلفي