«الجزيرة» - عبد العزيز بن سعود المتعب:

الشعر الشعبي الوطني الجزل مُوثِّق الولاء والوفاء واللحمة الوطنية المشرّفة والقصيدة التالية تجسِّد المضامين الرفيعة لمشاعر أبناء الشعب السعودي في المملكة العربية السعودية والعالمين العربي والإسلامي تجاه مقام سيدي خادم الحرمين الشريفين الملك سلمان بن عبد العزيز -أطال الله عمره وأدام عزه-.

الصاحب اللِّي كل ما زنت له شان

بالله عليكم كيف أحطّه ظنينه

مثل الونيت الِِّلي ندفّه وخربان

بَدْيه سليم وعلّته في المكينه

فتح علينا لأهل الشر بيبان

ونصبر وحنَّا كلّنا خابرينه

ما ودّنا يفرح من الناس عدوان

ولا حن براضينٍ يخرق السفينه

ربعه لنا ربع وعواني وجيران

واخوان دمٍ والعلاقه متينه

فاليا رضوا فينا ترى الوضع ما زان

من باعنا بعناه زينه وشينه

قد قالها في ماضي الوقت راكان

وقتٍ عساها ما تعوّد سنينه

من زان حنّا له على الزين خلّان

والشر لوجيه القشر محتسينه

ونجزي هل الإحسان منّا بالإحسان

والِّلي نوانا بالردى يا عوينه

الِّلي يبيناله معانيز واخوان

ودرعٍ متينٍ بين خصمه وبينه

يعرف مكانتنا ولا يفسد الشأن

ولا يضمر الخدعه لنا والضغينه

يا بوفهد حنَّا معك قلب ولسان

والدم الأحمر دونكم مرخصينه

ليثٍ وقف دون العقيدة والأوطان

وكل الخليج اليعربي من عرينه

زعيمنا فخر الخليجي كحيلان

يسلم لنا رأسه وتسلم يمينه

ولا هان إبن زايد واخوه إبن سلمان

وابن صباح الِّلي عسى الله يعينه

وخليجنا واحد على الحق واعوان

واللي يزعزع صفّنا منكرينه

** **

- راجح بن سالم آل شامر العجمي