العيد عاد ومرحبا عودة العيد

الله على الأمة بخير يعيده

والله يوفقنا لخير المقاصيد

في هالليال الطيبات السعيده

جعله مبارك عيدكم دوم وسعيد

والله يرحم شخص ما عاد عيده

العيد ياللي تبغي اعطيك تأكيد

ما هو بلبس للثياب الجديد

ولا هو لمن دنياه جت كيف ما يريد

ولا هو بكثر الحاشية والبديده

ولا هو فخر بالمرجله والاواليد

والا طمع في هالحياة الزهيده

العيد والله فرحته كسبت الفيد

بأعمال خير وطيب زايد رصيده

وبعقيدته ما يطاوع عبيد وسنيد

ويوصي بها عياله ويوصي حفيده

وأهني بها العيد كل الاجاويد

والمسلمين أهل الصفا والعقيدة

والوالدين حقوقهم فيه بتزيد

نطلب لهم ربي حياة مديده

ونهنئ القائد وبأفعاله نشيد

مليكنا وكل الحكومه الرشيده

** **

- عبدالمطلوب مبارك البدراني