سباق العز والرؤية مع التطوير للأجيال

على مستقبل الشعب وعلى مستقبل الدوله

دخل ساحاته محمد بطل واتكلمت أفعال

قبل نِطْق الكلام اللي نطق للعالم أفعوله

سليل أبطال وبيصنع لنا أجيال من أبطال

هو المستقبل المشرق هو الفارس لهالجوله

لو أن المجد يتشكّل ويصبح صوره لرجّال

يمين أن تصْبح الأمجاد في رسمه وفي زوله

رهاناته على روح الشباب الطامح الفعّال

خذا من كل علمٍ بحْر وله في كل بحَر صوله

محمد خطوته مدّ ومحمد خطوته أميال

سبق في رؤيته كل السبوق وماحدٍ حوله

تطمّن ياالسعودي كان بترولك نزل أو زال

ترى مستقبلك .. ماعاد مربوطٍ فـ بتروله

شف اللي يكتب التاريخ كيف أنه يجيب المال

شف اللي يرسم الجغرافيا من فكره وقوله

شف محمد ابن سلمان شال ثْقال فوق ثْقال

ولا ملّ وتعب.. أو كلّ.. والاّ طاحت حموله

يابو سلمان لك منا العهَد في كل وقت وحال

نبي نتبعْك يالمستقبل المشرق لهالدوله

** **

- أديب بن صالح العُمري