على كتاب الله وسنة نبيه

انبايع محمد ولي عهد سلمان

الله يعزك يالبلاد الأبيه

الشعب والدوله على قلب انسان

يابلادنا ياعزنا والحميه

اموحدين الله تحت نور الايمان

نفداك بارواح ورجال وفيه

حنا جنود الله صفوف ابميدان

من يعتدي نسقيه كاس المنيه

ما طال منك الا مذله وحقران

أرضك على اللي طامع بك عصيه

انخيب ظنونه ونلحقه خسران

وللي وفا نوفي بصبح وعشيه

يلقى الوفا منا على كل الازمان

دمتي ابخير ودامك الله قويه

انتي ذرى وانتي لنا خير الاوطان

يوسف عبدالرحمن الوهيب - القصيم - عنيزة