هبّة هبوبٍ بالهوى والهوى صلف

في ليل بردٍ ينعرف من وحيفه

وأسامر القيفان بالنظم والحرف

لين انتهض صبح الهضاب المنيفه

على عشيرٍ يسْهر العين والطرف

والّيا حضر كل الليالي مريفه

وصفه يفوق الزين والناس والوصف

سبحان من صوَّر جمال العفيفه

تغضي ابعينٍ لا نعس رمشها حف

نصف الخدود اللي تكاشف نظيفه

وتقبل بخدٍ مثل برقٍ اليارف

من عينها والخد يبدي رفيقه

وتقفي ابمجدولٍ تثني على الردف

يبدي شعاع الشمس يشْقر لفيفه

والْيا هرج يصرف اجْنيه الذهب صرف

ينقد كلامه من ثمانٍ ارْهيفه

يا ريح روضٍ ما طره ما بعد جف

ساقت نسانيس الهبوب اب لطيفه

عليك دمع العين من موقها حذف

دمعٍ يمشّي سيل وادي حنيفه

** **

- حشر بن عبد المحسن بن حميد