يالله يالمعبود يا مدبّر الكون

يا واحدٍ بأمره تسير العبادي

لا قدّر أمره قال له كون فيكون

سبحانه وبحمده على الكون سادي

أمره يجي بين أحرف الكاف والنون

عليه توكيلي وكل اعتمادي

يالله عسى عدواننا ما يقومون

واحفظ وطنّا من شرور الأعادي

وتفكنا من كيد ناسٍ يكيدون

يدعون للفتنه ونشر الفسادي

أهل النوايا السود ما يستريحون

حتى يشبّون الفتن بالأيادي

لكن حنّا للوطن درع وحصون

أرواحنا تفدي حدود البلادي

ندحر فلول الشرك وإبليس ملعون

دون الحرم حنّا غلاظٍ شدادي

يا ربعنا لعلكم ما تهونون

وايامكم دايم عساها عيادي

تاريخ عروى مجد والناس يدرون

خيلٍ تصاهل مع سيوفٍ حدادي

تحت لوى التوحيد والدين يمشون

هذا الكلام اللي صحيح ووكادي

عاش الملك اللِّي له الشعب مديون

سلمان راع الحزم سقم المعادي

دون الوطن حصنٍ حصينٍ ومأمون

للسلم سلم وللمعارك قيادي

اللي يطاول مثل سلمان مجنون

والله ليبطي ما اهتنا بالرقادي

قدمه سلاطين الجبابر يخضعون

رجل السياسه والدهاء والمبادي

ابوفهد واخو فهد وش تقولون

من مدرسة عبدالعزيز استفادي

الله يحفظ جنودنا اللِّي يحرصون

دون الحدود يواصلون الجهادي

اللي يحرسون الوطن ما ينامون

صوب العدو موجّهين الزنادي

وصلوا عدد ما غرّد الطير بلحون

على الرسول المصطفى خير هادي

** **

- سهل بندر المقاطي