الموضوعات الأكثر
يا عيد منتب عيد من دون الأحباب
العيد والله شوف خلي وعيده
لكن خلي سكروا دونه الباب
حسبي عليهم والمسافة بعيدة
يا عيد منتب لي ولي عنك جذاب
همٍّ مطاولني سنين عديدة
اضحك وانا قلبي تقل فيه مشذاب
اجحد عناي وما على الله جحيدة
لعيون ريم صرت انا منه منصاب
اقفى بعد ماحطني في رصيده
يلعب بقلبي ما تقفاه طلاب
ويامر وينهاني على ما يريده
في كل يوم له على القلب مضراب
يجرح ويلحقني جروح جديدة
واصبر واقول ان الصبر خير الاسباب
ولا شفت نفسي بالصبر مستفيدة
وشلون اطيب وخاطري منه ماطاب
وحبه بقلبي جاري في وريده
يا عيد الى شفت الغضي عقب ما غاب
طابت لي ايامك وصارت سعيدة
محمد بن عبد العزيز العبيد الله - عنيزة - 1 شوال 1438هـ