الموضوعات الأكثر
مساجلة بدأها الشاعر/ مفرح الظمني رحمه الله:
يا سبق سيارة راحت بمزيونة
دزيت انا موتري وازريت لا الحقها
باليت سواقها ماشي على هونه
لو ربع ساعة مع السكة نرافقها
لو شافها الخس بيح كل مكنونه
وابن قويعان يدبح ما يفارقها
قروٍ تشوف الدلال بنظرة عيونه
مع حلو منطوقها بيضٍ عواتقها
بغيت شوفه وحال البعد من دونه
الخط مفتوح والغيرة بسايقها
ما احسبت انا موتري يصير به خونة
كن التواير من الشارع ملفقها
رجلي تلحه وكفي في دركسونه
ومكينته دوختني في توندقها
مامن حلا لو يجيب اللي بطبلونه
سبقة دخينه اليا طارت علايقها
والله لا ابيعه على ناس يسومونه
واوراقه اللي تشيل اسمي لا اشققها
ورد الشاعر صحن بن قويعان:
يا مفرح العشق له ناسٍ يعرفونه
طرايق اليوم ما تركب طرايقها
اللي هواها على الموتر يعافونه
خلوه للي مع السكة يسابقها
اللي يجاوب حمام الورق بلحونه
اليا شافها تلتفت فاع وتعنقها
لو انها ما تعرف العقل مجنونة
يقول يا زينها سبحان خالقها
وانته علومك عن الزلات مصيونة
مزارعك تنبت العنبر حدايقها
راع الهوى الناس مثلك ما يلومونه
مير البلا اللي عن القبلة يشرقها
وانا غسلت الهوى كله بصابونة
نفسي عطيتك يا ابو فيصل حقايقها
من يوم عمري بلغ خمسين مضمونه
بيباني اللي على دربه مغلقها
اللي مقفي تراني ما اتبع ظعونه
واللعبة اللي بها منقود ما انطقها
قصيدتي في محمد ليه تنسونه
ورى علومي تجيك ولا تصدقها
ثم جاء رد محمد خلف الخس:
يا مفرح البنت في هرجتك ممنونة
ترغب يا ابو فيصل انك ما تفارقها
بعض العذارى تبيك وفيك مفتونة
كم جادلٍ قبل عاشقتك وعاشقها
يوم انت في زمتك ما تطلب العونة
تهرف كما الذيب واهدافك تحققها
واليوم رجلك عن المرقاب ماهونة
ما هو ردا.. فيك مير الله عايقها
اترك هوى.. اللي تجيك بلطف وليونة
تبا تخسبقك جعل الله يخسبقها
تبا تجدد جروحٍ فيك مدفونة
تبعث لهود على الاول تطبقها
احذر من اللي ما هي عاقل ومتكونة
ادناة شي يجيها منك يصفقها
انشد مجرب يعرف الحب وش لونه
والخيل لو ماعدت يدري بسابقها
يوم الهوى قبل ناعم ما به خشونة
جميع لذاته اللي فيه ذايقها
ياما بلشت بمودة كل مكنونة
تشدي لشمس بدت من عند مشرقها
على النقا ما بها حكي يقولونه
مودة يا بو فصيل ما نلصقها