الموضوعات الأكثر
سمعاً وطاعة يا مليك المملكه
حنا معك في كل وقت و كل حين
دون الوطن حنا رجال المعركه
ودائم على امرك يا ملكنا حاظرين
نمشي معك في كل دربٍ تسلكه
وندعي عسى الله يحفظك طول السنين
نبذل على أمرك كل شيٍ نملكه
وارواحنا تفداك يا ذرب اليمين
وولي عهدك كل صعبٍ يدركه
يبقى ذراعك للوطن حصنٍ حصين
معزّي الثاني وخصمه يربكه
ومن يرهب الدولة ترا وضعه يشّين
هو صاحب الرؤيا ورأيه يحبكه
رؤية محبة للوطن والمسلمين
يبقى ولد سلمان عزٍ وابركه
درع الوطن من دون كل الحاقدين
يقولها اللي كل قولٍ يدركه
وبيوت شعره من محبتكم تزين
والحوثي اللي بالمعارك نعركه
هو ما درا إن جنودنا جنبٍ متين
يشوف قو الباس ما هي فبركه
ومن عاونه نقص راسه ما نلين
ومن خاننا من ربعنا للتهلكة
خيانته عارٍ يخطه فالجبين
وما دام سيف الحق رمز المملكه
مع كلمة التوحيد حنا آمنين
... ... ...
- عبدالعزيز زيد الدغيلبي