ما مات أبو نافل عسى الخلد مثواه

أبو الجناب السمح ذرب اليميني

امسطرً فعل المراجل بيمناه

الشامخ اللي فالنوايب يبيني

خيره قبل شره وسمحً محياه

ومن دون لازم لا بته ما يليني

وعسى السحاب آليا همل ونتثر ماه

يمطر على قبره وياخذ سنيني

لوك تشوف الناس ساعة قبرناه

هذا يعضد له وهذا حزيني

ثلاثه ايامً على الباب منعاه

يبكون عوق الخصم هيف السميني

يا كثر زافات المعزّين كثراه

مثل الحجيج مشاهدين القريني

هذا علي لا وصّل العلم منهاه

ابن حريول مدهل الغانميني

ابشر ببذل المال والوجه والجاه

اخذ الحقيقه والكلام اليقيني

اسبيعين من روس الازلال مجناه

ما مهدنه مرضعات الجنيني

ركنن من أركان القبيله فقدناه

مير العوض فعياله الطيبيني

اعياله اللي مشيهم مثل ممشاه

ما غيرو ممشاه دنيا وديني

** ** **

- دسمان بن مناحي