يمّه يا يمّه سرى الهم فشراييني

وضاق الفضاء يوم بان الوهن في عينكِ

يمّه ترى الحزن يمّه حيل طاويني

حال التعب يالحنونه بيني وبينك

يا قطع كبدي من اللّي شافته عيني

حتى دموعي تردّد ربك يعينك

يمّه يا يمّه نسيتي ما ذكرتيني

ادري التعب يا غلاي انساك غالينك

يا كبرها صدمتي يومك نسيتيني

وانا حشاشة خفوقك زهرة سنينك

من ليلة البارحه والفكر مشقيني

اقوم واقعد وانادي يالغلا وينك

لا ليلي ليل ورقاد العين جافيني

حتى صباحي كئيب وفاقدٍ زينك

يمّه ياليت التعب منك يجي فيني

تفداك روحي ويفدونك عدوينك

تكفين يمّه رجيتك لا تخليني

جنّة جنينتك يمّه تحت رجلينك

** **

- مداهيل