بايعك شعب المملكه والسعد بان

شعبٍ يابو سلمان روحه فدالك

ولي عهد لدارنا خير الاوطان

ارضٍ سماها رحبت في هلالك

وما لومها لو رحبت يا كحيلان

والغدّ وجهه يبتسم من خلالك

لك همّةٍ تبني حضاره وبلدان

الله يقوّي للمعالي حبالك

تبني وطن تبني فكر تبني انسان

قريب من شعبك بعيدٍ منالك

والكلمه اللي قلتها هزّت ايران

وارعب عمايمها سمارة ظلالك

ما هي غريبه وانت للمجد عنوان

ولو هو بشر غصبٌ عليه انحنا لك

جدّك معزّي وانت من صلب سلمان

وهيبة عمامك خصلةٍ من خصالك

وان عدوّ العجمان وافعال راكان

تقبل نواميس الفخر من خوالك

قلّ للمجوس اللي تخطط بطهران

ان كان فيها خير توقف قبالك

** **

- صالح محمد العنزي