الموضوعات الأكثر
جعل السحاب اللي معه برق ورعود
يمطر على دار وليفي سكنها
يسقي وطن منتوقة العنق ياسعود
مالي وطن بالعارض الى وطنها
قلبي غدا واستيسره لين العود
ماحد يفك القلب ياسعود منها
ساطي وفي كفه قديحة وبارود
وأدخل يده بين الضلوع ودفنها
بيني وبينه وصل وأسرار وعهود
مصيونةً ما تدري الناس عنها
في كل عام يزود حبه بعد زود
أقفي بروحي والتوي في رسنها
أموت بين الخد وعيونه السود
وحواجبٍ ربي بملحه قرنها
وشعرٍ بدهن المسك والورد مكدود
جديلةٍ تضمني واحتضنها
ليلٍ جمعني به عسى ليت ويعود
يبعد عن النفس الحزينة حزنها
** **
- خلف بن هذال