ذيعوا الفرح ياهل الصحافه والاعلام

والانس والجن خلهم يسمعونه

عاش المليك الحازم الملهم الهام

ملك على الاسلام تسهر عيونه

في خدمه الاسلام يسهر ولا نام

عيناً بها شده وعيناً حنونه

مليكنا وحزامنا ضد الاخصام

يا سعد منهو بالشدايد زبونه

وولي عهده يشبه الصقر لا حام

على العدى عنده من الله معونه

سياسي وقاسي وفارس وظرغام

شبيه جده بين حزم ومرونه

مهندس الرويه وحازم ومقدام

عضيد ابوه ولا يخيب ظنونه

تاريخنا تكتب عنه كل الاقلام

مجدٍ تليد وبالذهب يكتبونه

وحدة وطن وحده لشعباً وحكام

المجد يعشقهم وهم يعشقونه

والشعب والحكام للدين خدام

خدمة شرف لا طهر ثرى يسكنونه

سر يا وطن والعز قدام قدام

وابنا الوطن بأرواحهم يفتدونه

حتى علمنا غير عن كل الاعلام

العز باين في شعاره ولونه

صرنا رقم ما تاصله كل الارقام

رقماً صعيباً كل الارقام دونه

غصباً عن الحساد بالشرق والشام

الدين ثابت ما تمايل ركونه

والله يعز الدين ويعز الاسلام

ويعز شعباً للوطن يحتمونه

** **

أحمد الوحيدي الزهراني - السفارة السعودية (دكا)