في هيبته في شموخه كنه معزي

ملامح العود نفس الصوت والصوره

حنكه سياسه فراسه جده تهزي

في راسه اللي رغم صغره له حضوره

فيه الدها والصرامه هامة العزي

في مدرسة صامل السطوه خذا دوره

درس علوم السياسة والهدف رزي

وسياسة العود ابوه ورايه وشوره

حتى تعلاّ المنابر واتعب اللذي

في وسط ميدان طيب ثبت جسوره

حرٍا ليا اهويجز بمخلبه جزي

كم واحدٍ من قوي عزمه بجد زوره

ومن رؤية المملكه كم واحد فزي

فرح برؤية وطن من درعه وسوره

مستقبل بلادي اللي عزها عزي

اشرق برؤية وطن ما ينطفي نوره

حرٍ شهر للملا ماهوب متوزي

ورؤية وطن واضحه من راس اخو نوره

** **

- مبارك بن محمد آل عمار