الموضوعات الأكثر
حر شهر في طلعته حقق احلام
ولي عهد المملكة مبعد الحوم
محمد بن سلمان والخير قدام
في كل جولاته لنا مجد وعزوم
شبل الزعيم اللي الى المجد مقدام
سلمان عز اللي تنصاه مضيوم
نصر الضعيف وعز جاره الا انضام
يشهد له التاريخ واضح ومفهوم
فخر العرب كفو على مر الاعوام
مع أمة الإسلام ما يلحقه لوم
خادم بيوت الله في واجبه قام
من ينكر الواقع حقودين ورخوم
من يطلب التدويل تباع واقزام
قاموا بدور ابليس بالأمس واليوم
النار تحرقهم تحت خبث الاقدام
خوانة الميثاق ما همهم لوم
الشعب يكرههم من اليوم وشمام
بيوتهم تحرسهم الفرس والروم
خوانة للعهد بشهود الارقام
يعاهدك والغدر بقلوبهم دوم
المجد لاهل المجد يا طيور الاوهام
البوم نسله يشبهه طالع بوم
المجد ما ينباع بفلوس وانغام
المجد للي يحفظ العهد ويصوم
من خان ربعه حيلته عضة ابهام
قرب حسابه من شجيعين وقروم
سلمان فخر المملكة عز وحزام
درع للأمه ان وقف تقعد القوم
ولي عهده للمهمات ضرغام
وزير جيش يحرم خصومه النوم
جيش مدرب بالسماء وبين الألغام
عدوهم من فرصة النصر محروم
صلاة ربي عد ما طاير حام
على نبي سنته خير وعلوم
محمد اللي وضح الدين ما نام
شفيع الأمه يوم الاهوال وهموم
** **
- عبدالله بن علي خليف الهويشان