لا شفت لي شخصٍ عليّ متغيّر

ماني على شوفه وروياه منحد

انا ليا مني توريت أسيّر

سيرت يم اللي ليا جيت ماصد

علاقتي بالناس مع كل خيّر

لو كان مالي في نسوبه نسب جد

وجه السعد في كل الأحوال نيّر

لامن مذموم الطبيعة تعقد

ماني رفيق اللي ذراعه قصيّر

لا صار ماهو بالمهمات مسند

انا من ابطال الرجال متخيّر

اللي مساعيهم شريفة وتحمد

ولاني من اقوال الغشوم متذيّر

ناس على سرد السوالف تهدد

واللي يعيب الناس عقله صغيّر

لاشايفٍ عيبه ولا حافظٍ سد

ما قلتها للناس قصدي معيّر

انا عن القول الرخيص اتبعّد

ولا ني على فكر الاوادم مجيّر

الطبع تيارٍ بالافكار يصعد

** **

- بدر الحويفي