يالله بنوّن يعم أرض السعوديه

يعمّها من طريف لحد نجراني

ومن حد جدّه إلى شرق النعيريه

الوادي اللي يمرّه منه ملياني

يسقي دياراً لها مدّه سناويه

ما صابها من صدوق الوسم ودّاني

حتى شجرها انقطع ماباقين شهيّه

ما باقي إلا النفايه وسط مرحاني

الله يخف الذنوب ويذهب السيّه

يارب تجعل لنا بحماك مزباني

يالله بنوّن بعد ريحٍ جنوبيّهيردم خياله ويسقي كل الاوطاني

ياخذ له إسبوع يمطر كل عصريّه

مرّن خياله حقاق ومرّ هتّاني

من مقدم الصيف والاجوا الربيعيه

على دخول العقارب فصلها الثاني

اسبوع لين الفياض تقول محميّه

من طبها يحسبنّه وسط بستاني

** **

- سهل بن بندر المقاطي