مسايرة

يا صاحبي لي شرهةٍ يا كبرها مني عليك

يا كيف ترخص بي وأنا عنك الهموم اشيلها

اضحك معك وابكي معك ما غيري احدٍ لك شريك

وأسايرك, وأسرار قلبك في يدي دليلها

** **

بوح

أن رقت يوم باق الأيام ما رقت

تأخذني أفكاري على كل مرواح

تسرقني الدمعة عن الناس لا اطرقت

حسبي على الهوجاس منه الخفى باح

** **

نتيجة

لا صار حظك من غلا الغير تنكيد

وخيره لغيرك وش بعد ينبغى به

احرم طيور الحب من كل تغريد

والقلب دوسه لا تضيع المهابة

** **

مبدأ

كان الصداقة كلها.. هم وجروح

ما عاد أبي.. في هالزمن لي صديقة

أنا الصداقة.. في نظر عيني صروح

تبنى على ذيك المواقف.. حقيقة

** **

- منيرة الحمد