يا سيدي محمد وفي ذمتي ذمه

إنك فخر للسعوديه ومن فيها

كلمتك هاذي وسام وفخر مع همه

كلمة محبٍ لكل الشعب مهديها

الشعب كله معك فاللين والغمه

وأرواحنا دون حد الدار نفنيها

رهن الإشارة نجيك جموع ملتمه

وعيون عدوانا بالنار نعميها

الشعب ما يسمع أهل المكر والنمّه

والبيعه الاوله ماهو بناسيها

دون الملك والوطن كلن بذل دمّه

وأجدادنا قبلنا هاذي مباديها

واعداك تنغار لأنك على القمه

وإنك فخر للسعوديه ومن فيها

** **

نايف بن سمار الشلاحي - عمدة حي الازدهار بمدينة الرياض